Rusiye arbiyleri iyülniñ 31-nde saba Krıvıy Riğ şeerine eki raketanen ücüm etti, dep haber etti Ukrayına İç işler naziri İğor Klımenko.
«Bir raketa oquv yurtunıñ dört qatlı binasına tüşti. Yıqılğan bina tübünde insanlar bardır. Qurtarıcılar ve polis çalışa. Ekinci raketa mesken evniñ dördünci qatından doquzıncı qatına qadar sektsiyanı yoq etti. Yanğın çıqtı. Saat 10:15-ke qadar bir insan elâk oldı, 10 sakin tibbiy yardım içün muracaat etti. Fevqulâde vaziyet hızmetiniñ hadimleri yanğınnı söndüre. Anda daa insanlar ola bile», – dep bildirdi Ukrayına naziri.
Qurtaruv işleri devam ete.
Rusiye arbiyleri Ukrayına şeerlerine ateş ete. Delillerge baqmadan, Rusiye Ukrayınada vatandaşlarğa ve arbiylerge qarşı cinayetlerde mesüliyetini inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
