Rusiye ordusı işğal altındaki sol taraftan Hersonğa ateş açtı, dep bildire yerli akimiyeti.
Herson vilâyetiniñ yolbaşçısı Oleksandr Prokudinniniñ aytqanına köre, Hersonnıñ merkezinde yengil maşina ateşke oğradı.
«Yanğınnı söndürgen qurtarıcılar maşinada elâk olğan eki erkekniñ bedenini taptı», – dep haber etti o.
Prokudin 66 yaşında qadın ölüm yaralarını aldı, dep qoştı. 24 yaşında erkek patlayıcı yara aldı.
Ukrayına iç işler naziri İğor Klımenko Rusiyeniñ Hersonğa qarşı yapqan top ateşleri neticesinde dört kişi elâk oldı, dep haber etti.
«Qurtarıcılar Hersonda kündüz top ateşine oğrağan maşinanı söndüre. Ne yazıq ki, aydavcı ve yolcu qurtarılamadı. Umumen Rusiye darbesi 4 yerli sakinni öldürdi. Daa bir kişi yaralandı», – dep yazdı o, Telegramında.
Rusiye ordusı aman-aman er kün Herson vilâyetiniñ işğalden azat etilgen qısmına ve vilâyet merkezine ateş ete. Delil ve şaatlıqlarğa baqmadan, Moskva büyük istilâ başlağanından vatandaş şahıslarına qarşı ücümni inkâr etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
