Mayısnıñ 13-ne keçer gecesi Rusiye ordusı Ukrayınağa kene ücüm etti, neticede eñ az 14 kişi yaralandı.
Hmelnitsk vilâyetinde uçucısızlarnıñ ücümi neticesinde 11 kişi yaralandı: olar cam parçalarından zarar kördi ve orta ağır alda bulunalar. Ukrayına akimiyetiniñ malümatına köre, mesken yerler tışında bulunğan kritik infrastruktura obyektine ücüm etildi. Patlav dalğası «yüzlernen mesken evge» zarar ketirdi, oquv ve tibbiyet müessiseleri, memuriy ve sanayı binaları zarar kördi.
Mıkolayıvde, ilk malümatqa köre, «Şahed» dronlarınıñ ücümi sebebinden üç kişi yaralandı. Snarâdlar beş qatlı evge ve eki qatlı binağa zarar ketirdi – yanğınlar başladı.
Mayıs başından altıncı kere Kyivge ücüm etildi, bu sefer tek «Şahed» dronlarınen, dep haber ete yerli akimiyet. Olarnıñ malümatına köre, bütün uçucısızlar yoq etildi.
Bir gecede Ukrayına Silâlı quvetleri Ukrayınanıñ çeşit rayonlarına 21 uçucısız uçurılğanını qayd etti – 17 dron urıp tüşürildi.
Rusiye Mudafaa nazirliginiñ saba bildirgenine köre, Rusiye ordusı cenkniñ cenübiy sektorında «tayav noqtasını ve duşman tehnikasını» yoq etti, ateş uçsucısızlarnıñ yardımınen yapıla.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
