Mayısnıñ 4-nde Rusiye ordusı eki raketanen Dniproğa ücüm etti. Bu aqta Dnipropetrovsk vilâyetindeki Ukraina Fevqulâde vaziyetler devlet hızmetiniñ matbuat kâtibi Darya Tsurkan brifingde bildirdi.
Onıñ aytqanına köre, birinci raketanı ava mudafaa quvetleri tüşürdi, ekincisi demiryollarına tüşti.
«Ne yazıq ki, demiryolları, idariy korpus ve alâqa hatları zarar kördi. Tren areketi toqtatıldı», – dep ayttı o.
Ölgen ve yaralanğanlar yoq.
Ücümden soñ internette, şu cümleden Rusiye saifelerinde, raketa tüşken vaqıtnıñ videosı peyda oldı.
Ukraina telükesizlik hızmeti Ukraina Ceza kodeksiniñ 111-inci maddesine istinaden «Devlet hainliginen bağlı cinayetlerni qayd etüv» tahqiqatını başlattı.
Mayısnıñ 4-nde Rusiye ordusı Dnipropetrovsk vilâyetiniñ Sinelnikovskiy rayonına «Gradlardan» ateş açtı. Raketalar eki köyge tüşip, bir qaç on evni viran etti. Anda kimse yoq edi.
