Noyabrniñ 18-nde Herson vilâyetine qarşı açılğan daa bir ateş neticesinde bir vatandaş yaralandı, dep haber etti Herson vilâyeti arbiy memuriyetiniñ matbuat hızmeti.
«Rusiyeliler Bilozirka ğromadasınıñ Veletenskege qarşı darbe endirdi. Saat 13:20-de duşman toplardan müessise binasına ateş açtı. 56 yaşında er adamı yaralandı. Patlayıcı yarası bar, koks ve ayağından yaralandı. Şimdi hastahaneniñ cerrahi bölüginde buluna», – dep aytıla Herson vilâyeti arbiy memuriyetiniñ Telegram haberinde.
Ukrayına akimiyeti keçken künü Rusiyeniñ Herson vilâyetine qarşı açqan ateşi sebebinden bir kişi elâk oldı, üç insan yaralandı, dep bildirdi.
Rusiye arbiyleri, top, toplu ateş raket sistemaları, dron ve raketalarnı qullanıp, Ukrayina şeerlerine muntazam sürette ateş aça. Delil ve şaatlıqlarğa baqmadan, Moskva Ukrayinada vatandaşlarğa qarşı ücüm yapqanını inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
