Kirbi, "ABD-niñ malümatına köre, Şimaliy Koreya ordusı Kursk vilâyetindeki ukrayin noqtalarına ücüm ete, bu ise büyük zarar ketire" dep ayttı.
"Rusiye ve KNDR arbiy yolbaşçıları bu askerlerge masraf malzemesi kibi yanaşqanı körüne", — dep birdiridi o.
Aynı zamanda ABD Milliy telükesizlik şurasınıñ strategik kommunikatsiyalar koordinatorı qayd etti ki, "tek soñki afta içinde KNDR 1000 askerini ğayıp etti".
"KNDR askerleriniñ özlerini öldürgenleri aqqında da haber bar... Ukrayinağa teslim olmaq yerine", — dep qoştı Kirbi.
Cenübiy Koreya istihbaratınıñ malümatına köre, Rusiyeniñ Kursk vilâyetinde ukrayin quvetleri ile uruşlarda eñ azından 100 Şimaliy Koreya askeri elâk oldı, daa biñ kişi yaralandı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
