2023 senesi aprel-iyün ayları içinde Qırımdaki insan aqları vaziyetine dair monitoring taqrizinde bu müddet devamında 26 dava açılğanı aqqında haber etile. Olardan 19-ı boyunca 5 ile 50 biñ ruble arasında para cezası ile ükümler de çıqarılğan. Uquq qoruyıcılar qayd etkeni kibi, cöreme ödengen soñ işğalciler episi bir Ukrayina vatandaşlarını qanunsız arbiy hızmette yollaylar.
Uquq qoruyıcılar, işğal etilgen topraqlarnıñ ealisini mecburiy şekilde işğalci devletniñ ordusına hızmetke celp etilmesi halqara uquqnıñ, daa doğru cenk vaqtında grajdanlıq ealiniñ qorunması aqqında Şartamenniñ 51-nci maddesini bozğanını qayd eteler.
Bundan ğayrı böyle mecburiy celp etüvniñ ömürge keçirilmesi içün mesülietli olğan şahıslarnıñ areketleri Halqara cinayet mahkemesiniñ Roma statutınıñ 8-nci maddesine köre arbiy cinayettir.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
