Rusiye ordusınınıñ ya da diger qanunsız silâlı müfrezelerniñ sıralarına mecburen celp etilgen qırımlılar cinayetçiler degil, silâlı çatışmanıñ qurbanlarıdır. Bunı "İnterfaks Ukrayina" agentligine Qırım MC ve Aqyar şeeriniñ prokurorı İgor Ponoçovnıy haber etti.
"Demek, olar (mecburen celp etilgen qırımlılar – QA) işğalci ordusında hızmet eterken başqa cinayetler yapmağan olsalar cinayet taqibine qala bilmezler ve olmaycaqlar", - dedi o.
Ayrıca o qayd etti ki, Qırım askerleriniñ Ukrayina tarafından taqip etilmesi aqqında malümat Ukrayina akimiyetini itibardan tüşürmege yönetilgen propagandadır,
"Aynı zamanda işğal adtındaki topraqlardan Rusiyeniñ silâlı müfrezeleine öz isteginen qoşulğan Ukrayina vatandaşlarınıñ areketleri devlet hainligi olaraq qıymetlendirilecek", -dep yekünledi o.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
