Rusiye ordusınıñ Ukrayinanıñ energetika obyektlerine endirgen darbeler cebedeki vaziyetke tesir etmey, dep bildirdi Prezident ofisiniñ yolbaşçısınıñ mesleatçısı Mıhaylo Podolâk.
"Rusiyeniñ Ukrayina energetika obyektlerine ücümleri sadece yarıqnıñ söndürilmesi aqqında degil. Bular toqtatılğan ameliyatlar, lâğu etilgen dializ, aqcigerniñ suniy avalandırıluv cihazınıñ kesilüvi, kelmegen acele yardım. Bunıñ cebedeki vaziyetke tesiri barmı? Yoq. Sadece 21-nci asırnıñ faşizmi Z-propagandasınıñ alğışları altında tınç şeerlerniñ torrorıdır", - dep yazdı o.
Noyabrniñ 23-nde Rusiye Kıyiv ve diger Ukrayina şeerlerine qarşı kene raketalarnen ücüm etti.
Ukrayinanıñ energetika nazirligi, noyabrniñ 23-nde Rusiyeniñ raketa ücümi bütün atom elektrik stantsiyalarınıñ, issilik ve gidroelektrik stantsiyalarnıñ çoqusınıñ kesilmesine sebep olğanını bildirdi.
Moskva bir sıra delil olğanına baqmadan, vatandaşlarğa qarşı ücüm etkenini inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
