Rusiye raketaları ve dronları gece Ukrayinanıñ altı vilâyetinde energetika obyektlerine ücüm etti. Bu aqta Ukrayina energetika naziri Ğerman Ğaluşenko müessiseniñ telegram-kanalında bildirdi.
"Bizim energetik sistemamızğa daa bir kütleviy ücüm! Poltava, Kirovoğrad, Zaporijjâ, Lviv, İvano-Frankivsk, Vinnıtsâ vilâyetlerinde elektrik energiyasınıñ yaratıluvı ve berüv obyektlerine ücüm etildi", — dep bildirdi o.
Berilgen malümatqa köre, Lviv vilâyetiniñ Dobrotvor köyü ve Vinnıtsâ vilâyetiniñ Ladıjın şeeri, anda issilik elektrostantsiyası yerleşken, raketa ve dronlarnıñ nişanlarından biri oldı.
Poltava rayonında uçaq energetik infrastruktura obyektine urıp, yanğın çıqardı. Poltava vilâyetiniñ memuriyet başı Filip Proninniñ malümatına köre, zarar körgenler yoq.
Bundan ğayrı, Kıyivge ücüm etildi, dep bildirdi KGVA yolbaşçısı Serğiy Popko. Onıñ aytqanına köre, darbe Tu-95MS strategik bombardıman uçaqlarından X-101/X-555/X-55 qanatlı raketalarnen endirildi. Zarar körgenler yoq.
Rusiye ordusı er kün Ukrayinağa ateş aça. Rusiye Mudafaa nazirligi, tek arbiy obyektlerge ücüm etkenini iddia ete. Vatandaş infrastrukturasınıñ bozuluvı ve elâk olğanlar aqqında müessise izaat bermey.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
