Rusiye arbiyleri martnıñ 6-na keçken gecesi Ukrayinağa 42 kamikadze pilotsız uçaq ve beş raketa ile ücüm etti, dep bildire Ukrayina Arbiy Silâlı Quvetleriniñ Baş ştabı.
Qayd etilgenine köre, 38 dron toqtatıldı. Ava mudafaası Vinnıtsâ, Dnipropetrovsk, Odesa, Sumı, Harkiv, Herson, Hmelnıtsk, Çerkası vilâyetlerinde çalıştı, dep bildire Azatlıq Radiosı.
Sumıda üç obyektke dronlar barıp urdı, dep bildire yerli memuriyet. Tafsilâtlı malümat berilmey. Ava telükesi dört saattan ziyade çalışqan edi.
Kütleviy ava ücümi, eki Rusiye arbiy hadimi Gaagadaki Halqara cinaiy mahkemede arbiy cinayetlerde qabaatlanıp qıdıruvğa ilân etilgeninden bir kün soñra yüz berdi.
Martnıñ 6-nda saba Ukrayina territoriyasınıñ üzerinde "Kinjal" qanatlı raketa taşıyıcısı olğan Rusiye MiG-31K qırıcı uçağınıñ uçması sebebinden ava telükesi ilân etildi. Haber neşir etilgende ava ücümleri aqqında haber etilmegen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
