Ukraina Tasil ve ilim nazirligi, fevralniñ 24-nde Rusiyeniñ istilâsı başlanğandan berli RF ordusı Ukrainada 379 tasil müessisene zarar ketirgen, olardan bazıları tamamınen yoq etildi.
Ukraina Tasil ve ilim nazirliginiñ malümatına köre, müessiseler aqqında malümat hususiy internet saytında derc olunacaq.
Mında bozuq ve yoq etilgen tasil müessiseleriniñ sayısı ve Rusiyeniñ Ukrainağa istilâsı neticesinde ketirilgen zarar aqqında bütün malümat toplanacaq.
Aynı zamanda Tasil ve ilim nazirliginiñ bildirgenine köre, haritada Çernigiv, Harkiv ve Legansk vilâyetleri aqqında tam malümat yoqtır.
"Rusiye işğalcileri acımadan bala bağçalarını, mekteplerni, oquv yurtlarını, köleclerni yoq ete, amma eñ deşetli ğayıplar - tecavuzcıdan ğayıp etkenimiz yüzlernen insan ayatı. İşğalciler tek arbiy obyektlerge ateşke açqanlarını bildirmege devam etkenler. RF reberligi bizim balalarımızdan ve olarnıñ ana-babalarından, ocalardan ve alimlerden qorqa eken", - dedi Ukrayina Tasil ve ilim nazirliginiñ başı Sergey Şkarlet.
Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti. Bundan soñ Kyiv, Harkiv, Odesa, Kramatorsk, Berdânskta patlav ve raketa darbeleri aqqında haber etildi.
Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.
Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.
Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
