"Bu, üç afta içinde vilâyetniñ elektrik ağlarına yedinci ücümdir. Energetikler atışlarnıñ aqibetlerini yoq etmek içün gece-kündüz çalışalar", — dep aytıla haberde.
Tünevin aqşam vilâyetniñ arbiy memuriyetiniñ yolbaşçısı Oleğ Kiper bildirdi ki, Rusiye arbiyleri Odesanıñ grajdan ve energetik infrastrukturalarına kütleviy darbeler endirdi, neticede zarar ve viraneler oldı.
Rusiye arbiyleri çeşit silâlardan Ukrayina regionlarına muntazam sürette ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturalarına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Ukraнina Energetika nazirliginiñ malümatına köre, Rusiye üç yıllıq istilâsı devamında Ukraнinanıñ energetik infrastruktura obyektlerine 30-dan ziyade kompleks darbeler endirdi, olarnıñ umumiy zararı milliardlarnen dollarnı teşkil ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
