Rusiye ordusı Poltavağa ücüm etti, mesken evge darbeler endirildi, dep haber ete ukrayin akimiyeti
"Duşman Poltavağa ücüm etti. Mesken evge bir ücüm oldı. Şimdi anda qurtarıcılar, acele hızmetler çalışa. Malümat alına" — dep aytıla haberde.
Daa soñra Ukrayinanıñ Fevqulâde vaziyetler devlet hızmeti bildirdi ki, darbe neticesinde eki insan elâk oldı, daa 10 kişi yaralandı, olarnıñ arasında bir bala bar.
Fevqulâde vaziyetler nazirliginiñ malümatına köre, fevqulâde vaziyetler hadimleri 21 insannı qurtardı. Rusiye ücümi neticesinde 1-den 5-inci qatqa qadar kiriş yıqıldı, yanğın çıqtı. Qomşu evler ve 12 maşna zarar kördi.
Rusiye arbiyleri çeşit silâlarnen muntazam sürette ukrayin regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, ealini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.