Sentâbrniñ 13 gecesi Rusiye ordusı Tuna bölgesiniñ grajdanlıq infraterkibini nişanğa alaraq 4,5 saat devamında Odesa vilâyetine urucı dronlar ile ücüm etti, dep bildirdiler Ukrayina Cenüp Mudafaa quvetlerinde.
"Shahed-131/136 türü 32 urucı dron Ava mudafaası quvetleri tarafında urıp tüşürildi. Yazıq ki, liman infraterkibine darbe mesken olmağan binalarğa zarar ketirdi ve yük maşnalarınıñ toqtav yerinde yanğınğa sebep oldı. Yanğı söndürilgen", - dep yazıla bildirmede.
Ukrayina Cenüp Mudafaa quvetleriniñ malümatına köre, yedi arbiy olmağan adam farqlı seviyelerde yaralarnen hastahanege ketirilgen.
Ukrayina Silâlı Quvetleriniñ komandanlığı sentâbrniñ 13 gecesi Rusiye ordusı Odesa vilâyetinden ğayrı Sumı vilâyetine de ücüm etkenini bildirdi.
Berilgen malümatqa köre, episi olıp 44 Shahed uçurtılğan.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
