Melitopol şeer başı İvan Födorov Rusiye ordusınıñ trenlernen zahire çıqarıp başlağanını bildirdi. Bu da öz nevbetinden olarnıñ işğal etilgen şeerni mümkün qadar tez terk etmege niyetini köstere bile.
"Eki kün evelsi zahiremizni trenlernen çıqarıp başladılar. Bunı tez yapqanları er şeyni qırsızlap, mümkün qadar tez şeerimizni terk etip ketmege istegenlerini köstere", - dedi Födorov.
İyünniñ 6-nda İvan Födorov Rusiye ordusı Melitopol rayonınıñ aman bütün blokpostlarından ketkenlerini bildirdi.
Fevralniñ 25-nden berli Melitopol RF orusınıñ işğal altındadır.
Mayısnıñ 21-ne olğan malümatqa köre, Ukrayina prezidenti Volodımır Zelenskıynıñ sözlerine köre, Rusiye Ukrayina limanlarında "yavaş-yavaş qursızlağan ve çıqarıp, satmağa tırışqan" 22 million tonna aşayt blok etken.
Dünya toplulığı Rusiyeni limanlarını açmağa ve ukrayin zahiresiniñ ihrac etilmesine yol bermege çağıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
