Rusiye ordusınıñ ücümi neticesinde beş qatlı evniñ kirişi yıqıldı, dep yazdı Dnipropetrovskniñ arbiy vilâyetiniñ memuriyetiniñ yolbaşçısı Serğiy Lısak.
Onıñ aytqanına köre, sekiz insan, şu cümleden eki bala zarar kördi. "10 yaşında qızğa anda yardım etildi. 11 yıldandaki oğlan orta ağır alda hastahanege alındı", — dep qayd etti o ve viraneler altında daa insanlar qala bile, dep qoştı.
Krıvıy Riğ mudafaa şurasınıñ reisi Oleksandr Vilkul, mesken obyektke "balistik" darbe endirildi, dep yazdı.
Bundan evel, oktâbrniñ soñunda, Rusiyeniñ Qırımdaki çoq qatlı evge ücüm etüvi neticesinde bir insan elâk olğan edi, daa 15 yaralanğan edi. Bundan bir afta evelsi şeerge ballistika raketalar endirildi, 17 insan yaralandı, sekiz kişi hastahanege alındı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
