Oktâbrniñ 17-nde saba Rusiye ordusı kamikadze pilotsız uçqan cihazlar ile Kıyivge ücüm etti. Bunı Ukrayina prezidenti ofisiniñ yolbaşçısı Andriy Yermak.
"Kıyivde patlavlar. Paytahtqa kamikadze pilotsız uçqan cihazlar ile ücüm etildi. Rusiyeliler bunıñ olarğa yardım etecegini tüşüneler, amma bu agoniyadai. Bizge daa çoq ava mudafaası sistemaları kerek. Yavaş areketelr içün vaqtımız yoq. Semanı qorumaq ve duşmannı yoq etmek içün daa çoq silâ kerek. Böyle de olacaq", - dep yazdı o.
Bunda evel Kıyiv şeer başı Vitaliy Klıçko Şevçenko rayonında eki patlav aqqında haber etken edi.
Onıñ sözlerine köre, ücüm neticesinde yaşayış içün kelişmegen binada yanğın peyda olğan, bir qaç mesken bina zarar körgen, yaralanğanlar aqqında malümat alına.
Oktâbrniñ 10-nda saba Rusiye ordusı Ukrayinağa bir çoq yerden ateş açtı. Ukrayina Silâlı quvetleri 43 raketa tüşürildi ve Rusiye Ukrayinağa qarşı 83 raketanı qullandı, dep bildirdi. Ukrayina arbiyleri 12 Shahed-136 İran uçucısızını tüşürdi.
Ukrayina prezidenti Volodımır Zelenskıynıñ aytqanına köre, Rusiye ordusınıñ eki nişanı bar – memleketniñ energetik obyektleri ve insanlar. Ukrayına baş naziri Denis Şmığal bildirgenine köre, Rusiyeniñ ücümleri neticesinde 8 regionda ve Kıyivde 11 «müim infrastruktura obyekti» zarar kördi.
Rusiye prezidenti Vladimir Putin Ukrayinağa, hususan energetika obyektlerine ücüm etilgenini tasdıqladı. O, «Rusiye topraqlarında terakt ıntıluvları» devam etse, yañı ücümlernen qorquza.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
