Rusiye ordusı mayısnıñ 7-ne keçken gecesi Kıyivge "Şahed" ile ücüm etti. Yerli akimiyetniñ malümatına köre, uçaqlarnıñ parçaları evlerge tüşti, eki insan elâk oldı.
Kıyiv şeer yolbaşçısı Vitaliy Kliçkonıñ malümatına köre, darbe neticesinde Svâtoşin, Solomensk ve Dnipro rayonlarında zarar körgenler qayd etildi. Kıyivniñ arbiy memuriyetiniñ malümatına köre, urulğan uçaqlarnıñ parçaları paytahtnıñ farqlı rayonlarında üç mesken evge tüşti.
Kıyiv arbiy memuriyetiniñ yolbaşçısı Timur Tkaçenko, Dnipro rayonında çoq qatlı evniñ eki üst qatı qısmen yoq etilgenini, digerinde, Svâtoşin rayonında, üç qatlı evniñ yedinci-doquzıncı qatları yanğanını bildirdi. Şevçenko rayonında ev ve supermarketke tüşken parçalar neticesinde yanğın çıqtı.
Kliçkonıñ bildirgenine köre, Rusiye uçaqlarınıñ ücümi neticesinde eki insan elâk olğan. Olarnıñ cesetleri evniñ viran etilgen qısmında tapılğan.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
