Rusiye ordusı dekabrniñ 4-nda saba Hersondaki bala bağçasını ateşke tuttı, dep bildirdi Herson vilâyetiniñ arbiy memuriyetiniñ başı O leksandr Prokudin.
"Saat 11-lerde yüz bergen ateşke tutma neticesinde binanıñ divarları zarar korbdi ve pencereleri sındı. İlk malümatqa köre, bir kişi zarar kördi", - dep haber etti o.
Darbeniñ aqibetleri ile bağlı malümat alına, dep qoştı vilâyetniñ yolbaşçısı.
Herson şeeri 2022 senesi küzde işğalden azat etilgen soñ Rusiye ordusınıñ ateşleri toqtamay. Noyabrniñ 14-nde Herson vilâyetiniñ Korabelnıy rayonında Rusiye ücümi neticesinde 54 yaşında qadın yaralandı. Onı miy sarsuvı, çeke ve qol yarasınen hastahanege alğanlar. Herson vilâyetindeki Osokorivkada 66 yaşında adam yaralandı, ateş vaqtında evinde edi. Beti ve ayaqları yaralandı.
Rusiye arbiyleri, top, toplu ateş raket sistemaları, dron ve raketalarnı qullanıp, Ukrayina şeerlerine muntazam sürette ateş aça. Delil ve şaatlıqlarğa baqmadan, Moskva Ukrayinada vatandaşlarğa qarşı ücüm yapqanını inkâr ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
