Rusiye ordusı çeçek ayınıñ 22-nde Harkivge pilotsız uçaqlarnen ücüm etti, dep bildirdi şeer başı İğor Terehov. Harkiv vilâyeti arbiy memuriyetiniñ yolbaşçısı Oleğ Sineğubovnıñ malümatına köre, yedi insan yaralandı.
Terehovnıñ yazğanına köre, şeerniñ dört rayonı ücümge oğradı.
İlk malümatqa köre, 12dronnen ücüm qayd etildi. Sineğubovnıñ aytqanına köre, uçaqlardan biri yolğa uruldı, neticede maşna yandı.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, tınç ealini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
