Rusiye ordusı Harkiv vilâyetindeki İzümge ücüm etti, eki insan elâk oldı, daa dört kişi yaralandı, dep bildirdi vilâyetniñ arbiy memuriyetiniñ yolbaşçısı Oleğ Sineğubov telegramda.
Onıñ aytqanına köre, qaza yerinde tahminen 400 kvadrat metrlik yanğın çıqqan.
İzüm şeeriniñ arbiy memuriyeti, ücüm saat 12:18 oldı, dep bildire. İlk malümatqa köre, Rusiye ordusı atış içün, kassetli arbiy qısım ile RSZO qullanğan
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.