Ukrayina aviasiyasınıñ malümatına köre, Quralaynıñ 4-nde gece işğal ordusı Rusiyeniñ beş tarafı, işğal etilgen Qırımnıñ Sarabuz qasabası ve Donetskniñ işğal altındaki topraqlarından 155 "Şahed" sınıflı ücüm BPLA, "Gerbera" ve "Italmas" ve "Parodiya" taqlitçi dronlarnen ücüm etken. Bu aqta öz Telegram kanalında Ukrayina aviasiyası haber etti.
Berilgen malümatqa köre, Ukrayin arbiyleri gece Rusiye ücüm etken 135 dronnı yoq etken. 10 yerde 14 dron urulğanı qayd etildi ve 4 yerde urulğan parçalar tüşti.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.