Sentsovğa oksigen yetmey: yüregi ve miyi zarar köre – Kaplan (video)

Rusiyede mahküm etilgen ve 120 künden berli açlıq tutqan Ukraina rejissöri Oleg Sentsov ölse, icadı kimge qalacağına dair vasiyetname yazdı. «Qırımda yaşağan bir dostunıñ adına vasiyetname yazdı. O, ölse, filmleri, stsenariyleriniñ işi oña berilmesini istedi, dostu ise istegeni kibi areket etecek, amma vazgeçse, kimge istese bere bile. Meseleniñ maddiy tarafı – gonorar ve ilâhre – balalarğa, ebet», – dep tarif etti Nastoyaşçeye vremâ neşirine Sentsovnıñ qız qardaşı Natalya Kaplan. Onıñ aytqanına köre, Olegniñ alı kün-künden fenalaşa. «Oksigen yetmey. Qan sisteması yaşaması içün müim olğan müçelerge yeterli qadar oksigen bermey. Eñ çoq yüregi ve miyi zarar köre», – dedi Kaplan. Bundan evel bildirilgeni kibi, Rusiyede mahküm etilgen Oleg Sentsovnı qurtarmaq çağıruvı ile petitsiya Beyaz Saraynıñ saytında 100 biñ 766 insan tarafından imzalandı.