Link açıqlığı

Saatnıñ esas haberi

Rusiye ombudsmenı yasaqlanğan “Hizb ut-Tahrir” teşkilâtınıñ telükesini teşkerecek


Tatyana Moskalkova, Rusiyede insan aqları boyunca vekâletli, “Hizb ut-Tahrir” teşkilâtınıñ telükeli tanılğanınıñ qanuniyligini ve onıñ azalarınıñ aqları bozulğanını teşkerecek.Bu atqa “Kommersant” yaza. Bunıñ içün Azatlıq Radiosınıñ rus hızmeti haber ete.

Fevral 5-inde “Hizb ut-Tahrir” azalarınıñ qabbatlanğan ve apislengen adamlarnıñ soylarınen körüşüvden soñ, Moskalkova bu qararnı aldı. Moskalkovanıñ apparatında, Rusiye imayeciler Birligi “Hizb ut-Tahrir” azalarına uquqiy yardım eteceklerini bildirdi.

“Memorial” uquq qoruyıcı merkeziniñ malümatına köre, bugünge Rusiyede “Hizb ut-Tahrir” azalığı içün tevqif etilgen 239 adam bar olğanını ve olardan 171 maküm etilgenini bildirdi. Uquq qoruyıcı merkez olarnıñ 98-ini siyasiy mabüs olaraq saya. 2014 senesinden Qırım ilhaqından soñ, “Hizb ut-Tahrir” teşkilâtına alâqası olğan 31 Qırım musulmanı taqip etildi. Ukrainada bu teşkilât yasaqlanmağan, Rusiyede ise 2003 senesi o yasaq etildi.

XS
SM
MD
LG