Aprelniñ 22-ne keçken gecesi Rusiye arbiyleri Odesağa qarşı pilotsız uçaqlar qullanıp, kütleviy şekilde ücüm etti. İlk malümatqa köre, üç insan yaralandı.
Odesa şeeriniñ yolbaşçısı Ğenadiy Truhanovnıñ yazğanına köre, uçaqlardan biri şeerniñ sıq yaşağan rayonında bir çoq daire zarar kördi. "Eali şoktan soñ özüne kele", — dep qoştı o.
Truhanovnıñ aytqanına köre, yanğın çıqqan, anda operativ ve kommunal hızmetleri çalışa.
Odesa vilâyetiniñ arbiy memuriyetiniñ başı Oleğ Kiper yazğanına köre, tibbiy hadimler zarar körgenlerge kerekli yardım köstere. İlk malümatlarğa köre, üç insan aqqında söz kete. Aynı malümatnı qurtarıcılar da bildire.
Rusiye arbiyleri çeçek ayınıñ 20-nde Odesa ve Odesa vilâyetine ücüm etti. O vaqıt, Odesa vilâyetiniñ arbiy memuriyetiniñ başı Oleğ Kiperniñ malümatına köre, üç insan, şu cümleden çağına yetmegenler de zarar kördi.
Rusiye arbiyleri Ukraina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrainanıñ şeer ve köyleriniñ grajdan infrastrukturalarına, tınç ealini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukraina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
