Mayısnıñ 8-ne keçken gecesi Rusiye ordusı Odesa bölgesine strategik uçaqlardan raketa darbesini endirdi. Bunı "Cenüp" operativ komandanlığı haber ete.
"Duşman X-22 raketalarını ğıda işhanelerinden biriniñ anbarına ve Qara deñiz yalısındaki raatlıq zonasına doğrulttı. Qurtaruv hızmetleri yanğınnıñ söndürilmesi içün çalışa. Yaralanğanlar aqqında malümat yoq. Malümat alına", - dep haber etti gece "Cenüv" operativ komandanlığı.
Mayısnıñ 8-ne keçken gecesi Ukrayinınıñ bir çoq vilâyetinde ava telükesi signalı berilgen edi. Biraz soñra Kıyivniñ reberligi duşman pilotsız uçaqlarnen ücüm etkenini bildirdi.
Ukrayina istihbaratı mayısnıñ 9-ı arfesinde Rusiye provokatsiyalar yapacağı aqqında bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
