Rusiye ordusı oktâbrniñ 12-nde gece Nikopolge qarşı ateş açtı, dep bildirdi Dnipropetrovsk vilâyetiniñ arbiy memuriyet yolbaşçısı Valentin Rezniçenko.
Onıñ aytqanına köre, gece yedi darbe qayd etildi.
«Barışıqsever Nikopol yüzden çoq snarâdnı attı! Darbelerden biri mustaqil evge tüşti. Yedi yaşında qızçıqnı ve anasını yaraladı. Ücümden zarar körgen olar ve daa bir kişi şimdi hastahanedeler. Alları ağır», – dep yazdı vilâyetniñ yolbaşçısı Telegram kanalında.
O, şeerde 30-dan çoq çoq qatlı ve şahsiy ev zarar kördi, gaz boruları ve elektrik hatları zarar kördi. Eki müessise, eki bala bağçası, mektepler, tükân ve hayriye teşkilâtınıñ ofisine ateş açıldı.
Rusiye ordusı Dnipropetrovsk vilâyetine muntazam sürette ateş aça. Oktâbrniñ 11-ne keçer gecesi Nikopolde ateşler yaqarlıq stantsiyasına ve tükânğa zarar ketirdi.
Moskva Ukrayınada vatandaşlarğa qarşı ücüm etkenini inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
