Link açıqlığı

Rusiye naziri, qurıp qalmaq havfında bulunğan Qırım bereketiniñ zararını esapladı


Qırımdaki suv qıtlığı, 120 biñ ga etrafında bereketniñ tolu ya da qısmiy derecede yoq olmasına ketire bile. Para zararı ise 5 mlrd rublni teşkil ete bile. Bunı Rusiye köy hocalıq naziri Nikolay Fedorov bildirdi.

Bu aqta qanunsız tayinlengen Qırım ükümetiniñ «Krıminform» saytında bildirilmekte.
Fedorovnıñ sözlerine binaen, Rusiye Ukraina devletine Qırımnı suvnen temin etmek ve avansnen para tölemeknen bağlı yañı añlaşmanı tizmege teklif etti.

»Оlar cevap bermeyler. Vesiqalarnı baqıp añlaşmanı yañıdan yazmaq kerek,- dep aytalar. Biz ise suvğa muhtac olğan bereketni coyamız. 100 faizğa olmasa, onıñ büyük qısmını»,- dep bildirdi nazir.

Böyleliknen 30 biñ ga pirniç, bağçalarnıñ qısmı ve yüzüm meydanlarınıñ yarısı acele suvlanmaq kerek.

Bu meseleni çezmek içün Keriç boğazından qurulacaq köpür leyhasında Kubandan suv ağı yipi de yapılmaq kerek, o ise Şimaliy-Qırım kanalını deñiştirir. Amma tolusınen suvnen temin etüv meselesini tek 2-3 yıldan soñ çezmek mümkün olur,- qayd etti Fedorov.

Zapt etilgen Qırımnıñ akimiyeti Şimal-Qırım kanalı boyunca suv sıñırlanğanı içün Kiyev şeerini takbih ete. Şimdiki vaqıtta yerli sakinlerni suvnen temin etmek içün yañı araçıqlarnı yapmağa planlaştıra.

Qırımnıñ birinci nazir muavini Rustam Temirgaliyev bildirgeni kibi, mezkür araçıqlar Eski Qırımnıñ yanında peyda olacaq, bunıñnen bir sırada dağ eteklerniñ suv anbarlarından suvnıñ alınması başlandı.
XS
SM
MD
LG