Rusiye Mudafaa nazirligi Qırımğa uçucısız uçaq ücüm etkenini bildirdi.
Müessiseniñ bildirgenine köre, Rusiye ava mudafaası quvetleri dronnı saat 12:40-ta yoq etken, amma bunı isbatlağan deliller yoq. Dronnıñ urıp tüşürilgeni yernide Mudafaa nazirligi aydınlatmay.
Keriç köpründen areket toqtatıldı, Aqyarda eki kere ava telükesi ilân etildi.
2022 senesi arman ayından başlap Qırım ve Aqyarda aman-aman er kün patlav sesleri eşitile. Rusiye akimiyeti «Ukrayina uçucısızlarına» qarşı atış, «ava mudafaasınıñ işi» ve Rusiye arbiyleriniñ «talimleri» dep ayta. Yarımadada arbiy hızmetniñ reklaması yapıla ve Rusiye Silâlı Quvetlerine qoşulmağa çağıralar. Aq qorçalayıcılar qayd etkenine köre, böyle areketler halqara uquqnı boza.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
