Rusiye Mudafaa nazirligi yanvarniñ 28-ne keçken gecesi Qırım yarımadasına üç uçucısız uçaq ücüm etkenini bildirdi.
Rusiye müessisesiniñ bildirgenine köre, ücüm etken uçaqlarnı urıp tüşürdiler. Rusiye Mudafaa nazirligi bu beyanatnı tasdıqlamadı. Rusiye arbiyleri ücümde Ukrayinanı qabaatladı, Kıyiv bu malümatnı izaatlamadı.
Umumen, Rusiye Mudafaa nazirliginiñ bildirgenine köre, Rusiye ava mudafaası quvetleri Rusiye ve qomşu Qırım üzerinde 25 dronnı urıp tüşürdi.
Qırım.Aqiqat mühbiri bildirgeni kibi, bir kün evelsi Aqyarğa dron ve raketalarnıñ ücüm etüvi aqqında haber etilgen edi, şeerde küçlü patlavlar ve RF Ava mudafaasınıñ sesi eşitile edi. Şeerniñ rusiyeli başı Mihail Razvojayevniñ telegram kanalında bildirgenine köre, Aqyar üzerinde eki raketa ve beş uçucısız uçaq urıp tüşürildi. Ukrayina arbiyleri bu malümatnı izaatlamadı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı "Ukrayina uçucısızlarına" qarşı ateş ve "ava mudafaa sistemasınıñ işi" dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün "esas telüke" dep adlandırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
