Rusiye Mudafaa nazirligi mayısnıñ 29-nda Qara deñizniñ şimaliy-ğarbiy qısmında eki ukrayin ekipajsız kateri Qırımğa ücüm etkeni aqqında bildirdi.
Rusiye müessisesi aytqanı kibi, ukraiyn ekipajsız kateri Rusiye deñiz aviatsiyası tarafından yerli vaqıt ile saat 11:00-de yoq etildi. Rusiye Mudafaa nazirligi bu beyanatlarnı tasdıqlamadı, Ukrayinada ise bu haberler daa izaatlanmadı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
