Rusiye Federatsiyasınıñ Mudafaa nazirligi uçucısızlarnıñ aprelniñ 24-ne keçer gecesi işğal etilgen Qırım ücümi aqqında bildirdi.
Müessise bildirgenine köre, Rusiye Ava mudafaa quvetleri 45 uçucısıznı yoq etken, bunıñ delilleri kösterilmedi. Dronlarnıñ qayda tüşürilgenini Mudafaa nazirligi haber etmey.
Umumen ava mudafaası 87 dronnı urıp tüşürgen eken – 10-unı Belgorod ve Kursk vilâyetlerinde, sekizini – Voronej vilâyetinde, dörter - Brânsk, Lipetsk vilâyetlerinde ve Nijniy Novgorod vilâyetinde ve eki – Moskva regionında.
Aprelniñ 24-ne keçer gecesi Rusiye akimiyeti Keriç köpründe areketni qapattı. Krımskiy veter Telegram kanalı haber etkenine köre, patlav sesleri Canköy, Canköy rayonı, Ermeni Bazar, Krasnoperekopsk, Saq, Novofedorovka, Zaozernoye, Sarabuz (Gvardeyskoye), Aqmescit, Büyük Onlar ve Eski Qırımda eşitildi.
2022 senesinden başlap yarımada aman-aman er kün uçucısız ve raketalarnıñ ücümine oğray, çoqusı alda Rusiye Federatsiyasınıñ Mudafaa nazirligi ya da Rusiye akimiyeti, bu malümat olsa da, arbiy obyektlerge darbe endirilgenini tasdıqlamay.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
