Rusiye Mudafaa nazirligi aprelniñ 16-na keçer gecesi Qırımğa uçaq çeşitli eki uçucısız tarafından ücüm etildi. Bu aqta müessiseniñ matbuat hızmeti içtimaiy ağlardaki saifelerinde haber ete.
Berilgen malümatqa köre, uçucısızlarnı Rusiye Federatsiyası Ava mudafaasınıñ quvetleri urıp tüşürdi, amma bunıñ bir delili yoq. Ukrayina tarafı bu haberlerni izaatlamadı, yerli Telegram kanalları ise patlav sesleri aqqında yazmağan edi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
