Dekabrniñ 12-nde Qırımğa uçaq tipli pilotsız uçaq tarafından ücüm etildi, dep bildire Rusiye kütleviy haber vastaları Rusiye Mudafaa nazirligine ve Qırımnıñ Rusiye akimiyetine atıf etip.
Rusiye arbiy idaresiniñ bildirgenine köre, uçaq RF ava mudafaası quvetleri tarafından yerli vaqıt ile saat 15:10-da yoq etildi. Bunıñnen beraber, "Krımskiy veter" telegram-kanalı öz abunecilerine atıf etip, saat 15:11 Canköy ve Canköy rayonında küçlü patlav eşitilgenini bildire, lâkin vaqia tafsilâtları şimdilik yoq.
Qırım.Aqiqat malümatnı ögrene.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı "Ukrayina uçucısızlarına" qarşı ateş ve "ava mudafaa sistemasınıñ işi" dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün "esas telüke" dep adlandırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
