Rusiye Mudafaa nazirligi mayısnıñ 4-ne keçken gecesi Qırımğa ATACMS raketalarından ücüm etilgenini bildirdi.
Rusiye müessisesiniñ bildirgenine köre, Ukrayina, Rusiye Mudafaa nazirliginiñ bildirgenine köre, RF ava mudafaası tarafından tüşürilgen dört uzaq mesafeli raketanı qullanğan.
Bundan ğayrı, yerli vaqıt ile gece saat 2-de Rusiye akimiyeti Keriç (Qırım) köpründe areketni toqtattı. Daa evel Qırımnıñ Rusiye akimiyeti Keriç köpründe areket toqtatılması "er angi telüke", şu cümleden ava telükesi olğan taqdirde yapıla, dep bildirgen edi.
Rusiye Mudafaa nazirliginiñ malümatını tasdıqlamaq cenk şaraitlerinde imkânsızdır. Ukrayina tarafı bu haberlerni izaatlamadı.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
