"Qara deñiz flotunıñ quvetleri Qırım yarımadasınıñ şimaliy-ğarbiy yalısı rayonında ekipajsız beş katerni yoq etti", - dep bildirdiler müessisede.
Muarririyetniñ Rusiye Mudafaa nazirliginiñ beyanatını tasdıqlağan mustaqil malümatı yoq.
Evel Ukrayina Mudafaa nazirliginiñ Baş istihbarat idaresi ilhaq etilgen Qırımnıñ Uzkaya körfezi rayonında deñiz pilotsız uçağı ile Rusiyeniñ tez yürgen katerini urğanını bildirgen edi.
Menbanıñ malümatına köre, mayısnıñ 6-na keçken gecesi Qara deñiz rayonında Uzkaya körfezi yanında Rusiye quvetleriniñ tez yürgen katerine Magura V5 deñiz dronı ile ücüm etildi.
Aynı zamanda Qırımnıñ telegram kanalları, gece yarımadanıñ ğarbiy yalısında Qara deñiz yalısında Rusiye arbiy katerlerini nişan etip, Ukrayina Silâlı quvetleriniñ ekipajsız beş katerini yoq etkenlerini bildirdiler.
Aprelniñ 21-nde Aqyarda patlavlar eşitildi. Şeerniñ rusiyeli başı Mihail Razvojayev, Şimaliy tarafta Rusiye gemilerinden birine raketa ücüminiñ toqtatılğanını bildirdi.
Daa soñra "Krımskiy veter" teleqram kanalı bildirdi ki, ücüm neticesinde "Kommuna" qurtarıcı gemisi zarar kördi. Aynı zamanda UASQ spikeri Dmitriy Pletentçuk, onı ğayrıdan tiklemek qıyın olacağını iddia ete edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
