Rusiye Mudafaa nazirligi, sentâbrniñ 4-ne keçken gecesi Qara deñizniñ şimaliy-ğarbiy qısmında Rusiye ava mudafaası bir pilotsız uçaq ve dört ekipajsız katerni yoq etkenini bildire.
"Bu gece Rusiye ava mudafaası Qara deñiz üzerinde bir pilotsız uçaqnı yoq etti. Bundan da ğayrı, Rusiye quvetleri Qara deñizniñ şimaliy-ğarbiy qısmında arbiy quvetleriniñ 4 BEK-ini yoq ettiler", – dep aytıla haberde.
Buıñnen beraber, müessisede öz beyanatlarına iç bir delil bermediler, bu malümatnı alternativ menbalar yardımınen teşkermek ise şimdilik imkânsız.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
