Rusiye Federatsiyasınıñ Mudafaa nazirligi gece işğal etilgen Qırımğa uçucısızlarnıñ ücümi aqqında bildirdi. Bu aqta müessiseniñ Telegram kanalında haber etile.
Berilgen malümatqa köre, Rusiye ava mudafaası yarımadada eki dronnı urıp tüşürdi.
Nazirlikniñ haberine köre, daa sekiz uçucısız Kursk vilâyetinde, dört danesi Brânsk vilâyetinde ve bir danesi Belgorod vilâyetinde tüşürildi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
