Rusiye Federatsiyasınıñ Mudafaa nazirligi gece Qırımğa ücüm etken eñ az dört dron aqqında bildirdi. Müessise bildirgenine köre, olarnı Rusiye ava mudafaası yarımadada, daa ekisini Qara deñizde urıp tüşürdi.
Rusiye akimiyeti ücüm ve aqibetleri aqqında bildirmedi. Bunıñnen beraber, Qırım Telegram kanalları uçucısızlarnıñ ücümi sebebinden Canköyde çıqqan yanğın aqqında yaza. «Krımskiy veter» Telegram kanalı yazğanına köre, darbe demiryolğa endirildi. Bu malümatnı tasdıqlaycaq mustaqil bir menba yoq.
2022 senesinden başlap yarımada aman-aman er kün uçucısız ve raketalarnıñ ücümine oğray, çoqusı allarda Rusiye Mudafaa nazirligi ya da Rusiye akimiyeti, bu malümat isbatlansa bile, arbiy obyektlerge darbelerni tasdıqlamay.