Rusiye Mudafaa nazirligi aprelniñ 25-nde saba Qırımğa uçucısız uçaqlarnıñ ücüm etkenini tasdıqladı. Bu aqta Rusiye mudafaa nazirligi öz telegram kanalında haber etti.
Rusiye Mudafaa nazirliginiñ bildirgenine köre, Rusiye ava mudafaası yarımada üzerinde altı uçaqnı urıp tüşürgen
"Aqşam saat 9.20-den 9.50-ge qadar ava mudafaasınıñ nevbetçi vastaları Qırım Cumhuriyetiniñ üzerinde Ukrayinanıñ altı uçaq tipli pilotsız uçuv apparatını yoq etti", — dep aytıla müessiseniñ haberinde.
Qırımda çeçek ayınıñ 25-nde pilotsız uçaqlarnıñ ücümi aqqında haber etilgen edi, yerli telegram kanallarında ve Rusiye nezaretindeki monitoring resurslarında mütenasip haberler derc etildi.
Bundan evel Rusiye Mudafaa nazirligi Qırımda 59 ve Qara deñizde 11 uçucısız uçaqnıñ ücüm etkenini bildirdirgen edi.
Daa evel berilgen malümatqa köre, çeçek ayınıñ 24-ne keçken gecesi Rusiye akimiyeti Keriç köpründen areketni toqtattı. "Krımskiy veter" telegram kanalı haber etkenine köre, patlav sesleri Canköy, Canköy rayonı, Ermeni Bazar, Krasnoperekopsk, Saq, Novofedorovka, Zaozernıy, Gvardeyskoye, Aqmescit, Qurman ve Eski Qırımda eşitildi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti «Ukrayina uçucısızlarına» qarşı atış, «ava mudafaasınıñ işi» ve Rusiye arbiyleriniñ «talimleri» dep ayta. Yarımadada arbiy hızmetniñ reklaması yapıla ve Rusiye Silâlı Quvetlerine qoşulmağa çağıralar. Aq qorçalayıcılar qayd etkenine köre, böyle areketler halqara uquqnı boza.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
