Mart ayından aprelniñ 26-sınace 874 Rusiye askerinde koronavirus hastalığı tasdıqlandı, bildire Mudafaa nazirligi. Olardan dörtü ağır alda, 15-i - orta qarar aldalar. Em de episiniñ sadece 320-si hastahanege qoyuldı, qalğanlarnıñ ihtiyacı yoq, bildire Azatlıq Radiosı.
Bu, Rsuiye ordusındaki COVID-19 hastaları aqında müessise seslendirgen ilk malümattır.
Ayrıca Mudafaa nazirligi, koronavirus 779 kursant ve arbiy aliy oquv yurtlarınıñ diñleyicilerinde, 192 arbiy orta tasil oquv yurtlarınıñ oca ve talebelerinde ve Rusiye Silâlı quvetlerniñ 245 grajdan işcisinde tapılğanını qoşa.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
