Dekabr 18-inde Moskova ve Peterburgda faaller qırımtatarlarğa qol tutuv ve ilhaq etilgen yarımadada basqığa qarşı bir kişilik piketlerni keçirdiler. Faaller suretlerni içtimaiy ağlarda derc ete.
Moskovada bir sıra piket Arbatta keçti. Faaller, "Sentsov cedveliniñ" qırımtatarlarına - azatlıq", "Free Crimean Tatars", "Qırımtatralarnıñ sürgünligine yoq", "Kreml esirlerine azatlıq" ve başqa yazılarnı elinde tuta edi.
Qırım.Aqiqatqa teşebbüsniñ iştirakçisi, Rusiye faali Vera Lavreşina aytıp bergeni kibi, aktsiya devamında faaller bir qaç Qırım "Hizb ut-Tahrir davaları" aqqında, mabüsler Oleg Prihodko, Seyran Saliyev, Emir-Üsein Kukunıñ taqdiri aqqında, bloger Yevgeniy Gayvoronskiynıñ para cezası aqqında tarif etti.
Sankt-Peterburgda piketke "Solidarnost SPb" areketiniñ azaları Şahnaz Şitik ve Eduard Şitik çıqtı.
Bundan ğayrı Rusiye prezidentiniñ memuroyeti yanında bir kişilik piket keçti. Qadın "Qırımtatarlarnıñ Rusiye türmelerine sürgünligine - yoq" yazısınen tura edi. Bunıfaal Olga Mazurova haber etti.
Sankt-Peterburg ve Moskvada yaşağan Rusiye faalleri «Strategiya-18» müddetsiz aktsiyasına birleşken edi. Bu ad 1944 senesi mayısnıñ 18-nde olğan qırımtatar sürgünliginiñ künü ile bağlıdır. Er aynıñ 18-nde faaller soqaqlarğa çıqıp, işğal etilgen Qırım vaziyetini, insan aqları bozulğanını tarif eteler.
