ABD Rusiyeni 2014 senesi iyülniñ 17-nde Donbasnıñ işğal etilgen qısmı üzerinde MN17 yolcu uçağınıñ urup tüşürilmesine köre mesüliet boynuna almasına çağırdı. Bunıñ aqqında elçilik twiterde yazdı.
«Yedi yıl evel, 2014 senesi iyülniñ 17-nde MH17 reysi Rusiye küçleriniñ nezareti altında olğan Donetsk vilâyetiniñ üzerinde urup tüşürilgen edi. Rusiye alâ daa qbaatını tanımad. Bu facianıñ 7-nci yıldönüminde Rusiyeni mesüliyetni boynuna almağa ve tahqiqatnen işbirlik etmege çağıramız», – dep yazla beyanatta.
Bugün «Malayziya ava yolları» şirketiniñ MH17 reysi uçağınıñ Donbassta tüşürilip, qaza olmasınıñ yıllığı. Uçaq Amsterdamdan Kuala-Lumpurğa uça edi. Facia 2014 senesi iyülniñ 17-nde oldı.Facia neticesinde uçaqta olğan 298 insan, olar arasında em yolcular, em de uçaqnıñ ekipajı elâk oldı. Uçaq Donetsk vilâyetiniñ Grabove köyü yanında, Rusiyeniñ «Buk» zenit-raketa kompleksinden urıp tüşürildi. Elâk olğanlarnıñ çoqusı – 193 insan – Felemenk vatandaşları edi.
