Gece Moskva civarındaki Odintsovo şeerinde yanğın oldı, dep haber etti yerli kütleviy haber vastaları. Azatlıq Radiosınıñ Rusiye hızmeti yazğanına köre, şaatlar patlav sesleri aqqında ayttı.
RİA Novosti ve TASS devlet haber agentlikleri Rusiye Fevqulâde vaziyetler nazirliginiñ malümatına esaslanıp yazğanına köre, 2 biñ metr kârelik anbar yana, yaralanğanlar aqqında malümat yoq.
Baza Telegram kanalı bildirgenine köre, yanğın bira mahsulat anbarında oldı. Mash yazğanına köre, ilk malümatqa köre, «Odinburg» mesken kompleksi rayonında inşaat alanı yana.
Avgustnıñ 9-nda Rusiye paytahtına yaqın Sergiyev Posadda Zagorsk öptik-mehanik zavodında patlav oldı, anda fevqulâde vaziyet rejimi ilân etildi. Yerli akimiyet bir kişi elâk oldı ve 56 insan yaralandı, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
