Qayd etilgenine köre, 1990 senesi doğğan qadın Rusiye Federatsiyasınıñ vatandaşıdır. O, Ukrayina Silâlı quvetleri içün uçucısız uçaq sistemalarınıñ satın alınmasına bağış olaraq öz esaplarından para yollağan.
Berilgen malümatqa köre, qadınğa ömürlik apis cezası üküm etile bile.
Yanvarniñ 20-nde haber etilgenine köre, Rusiye kontrolindeki Qırım Yuqarı mahkemesi Yalta sakinini "devlet hainligi" içün 18 yılğa apiske aldı.
Yanvarniñ 17-nde haber etilgenine köre, Aqyarda Rusiye Federatsiyasınıñ Qara deñiz flotunıñ ava mudafaasınıñ yerleşüvi aqqında malümatnı ukrayin istihbaratına bergen yerli sakin tutuldı.
Uquq qoruyıcılar, devletke hainligi, işbirlik ve casuslıq aqqında davalarnıñ sayısı bir qaç qat artacaq, dep tahmin ete. Tedqiqatta aytılğanı kibi, şimdi FSB bu kibi davalarnı aman-aman er kün aça, 2014 senesine qadar ise yılda 10-dan ziyade degil edi. Tedqiqatta qayd etilgenine köre, Ukrayinağa istilâdan soñ, Cinayet kodeksiniñ eñ ağır maddelerinden biri, cenkke qarşı çıqqanlar içün eñ populâr maddelerden biri oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.