Rusiye kontrolindeki Qırım Yuqarı mahkemesi, Kreml tarafdarı olğan bloger Aleksandr Talipovnı öldürmek ıntıluvında qabaatlı tanılğan eki Ukraнina vatandaşına qarşı çıqarılğan ükümni deñiştirmedi. Bu aqta Qırımnıñ Rusiye prokuraturasınıñ matbuat hızmeti bildire.
Qayd etilgenine köre, 2023 senesi mabüsler Kefede Ukraнinağa qarşı cenkke qoltutqan cemaat erbabını öldürmege tırışqanlar.
Makeme malümatına köre, mabüsler moped satın alğanlar, onıñ sandığına patlayıcı maddeler qoyğanlar ve cemaatçınıñ evi yanında çoq qatlı binağa yerleştirgenler.
Bundan da ğayrı, mabüslerden biri Kefede evlerniñ biriniñ azbarında taşlaq qaldırılğan "Z" işaretleri olğan maşnanı yaqqan, dep aytıla makeme beyanatında.
Keçken sene oktâbr ayında Rusiye makemesi bu davanıñ mabüslerini 10 ve 16 yılğa azatlıqtan marum etti.
Muarririyet Rusiye tarafınıñ iddialarını teşkerip olamay.
Talipov Telegram kanalında Ukrayinağa qoltutqan qırımlılarnıñ şahsiy malümatlarını derc ete. Talipovnıñ şikâyetleri neticesinde qırımlılar RF ordusınıñ "areketini" "ayıplağanı" içün memuriy ve cinaiy mesüliyetke çekile. Ukrayina prokuraturası Talipovğa qarşı "Milliy zıddiyet ve nefret doğurmaq" maddesine istinaden cinaiy dava açtı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
