Adliyeci Nazim Şeyhmambetovnıñ aytqanına köre, Bekirovnıñ davası boyunca makeme kiçik aynıñ 20-nde olıp keçti. Bir ay eve siyasiy mabüs, saba namazını qılğanı içün beş künge ceza izolâtorına yollanılğan.
Bekirov makeme oturında añlatqanı kibi, o, saba saat yedide namaz qıla edi. O, bir qaç daqiqa alğan. Amma cezahane hadimi oña qarşı bir protokol tizgen, çünki musulman cezahaneniñ tertip-nizamını bozğan eken.
Makemede cezahaneniñ vekili, bu vaqıtta makümlerde "medeniy-kütleviy tedbirler" keçkenini ve mabüsler "MUZ-TV" telekanalını seyir etmek kerek olğanını bildirgen vesiqalarnı taqdim etti.
Remzi Bekirov oña yapılğan ve ondan soñ berilgen terbiye cezasınen razı olmadı. O, makemege Rusiye Federatsiyasınıñ Anayasasında qayd etilgen din serbestligi aqqından faydalanğanını añlattı. Amma makeme Bekirovnıñ cezahanege qarşı davasını red etti, çünki "kündelik tertip bozulğanı" olğanını qabul etti, dep qayd etti adliyeci Nazim Şeyhmambetov, ve namaz yerine musulman televizor seyir etmek kerek edi.
Remzi Bekirov da davanıñ red etilmesinen razı olmadı, dep qayd etti imayecisi. O, siyasiy mabüs "pek azğanını" qayd etti, amma adalet yeñecegine ve tuvğanları ile evde raat yaşamaq içün evge qaytacağına ümüt ete.
Yarım yıldan ziyade vaqıt devamında jurnalistni resmiy sebeplerden yedi kere SİZO-ğa yerleştirdiler: gece namaz qılğanı ya da yavlıq ile namaz qılğan, hadimnen selâmlaşmağan, şapke taqmağan. Onı da eki ayğa sert tutuv şaraitlerine yerleştirdiler.
Bundan da ğayrı, jurnalistke qorantasına telefon etmege bir kere bile bermediler. 2024 senesi dekabr ayında bir körüşüvde o, diniy sebeplerden red etken domuz etinen berilgen aşnı aşamağanı içün 15 kilo azğanını bildirdi. Qırımlı şunı da qayd etti ki, koloniyada kündüz yataqqa yaqınlaşmaq yasaq etile, ve nezaretçiler onı maneviy ceetten bastırmağa tırışalar.
2019 senesi saban ayında Rusiye quvetçileri Qırımda qırımtatar faalleriniñ, hususan "Qırım birdemligi" cemaat birleşmesi vekilleriniñ evlerini tintti. Umumen 24 insan tutuldı, aralarında vatandaş jurnalistleri Osman Arifmemetov, Rustem Şeyhaliyev, Remzi Bekirov. 2019 senesi saban ayınıñ 27-nde ve 28-nde Aqmescitteki Rusiye makemesi tutulğanlarnı apiske aldı.
"Memorial" aq qorçalayıcı merkezi 2019 senesi saban ayınıñ 27-nde Qırımda Rusiye quvetçileri tarafından tutulğan 24 qırımtatar faalini siyasiy mabüs dep tanıdı.
Aq qorçalayıcı teşkilâtlar Remzi Bekirovnıñ koloniyadaki sert tutuv şaraitleri sebebinden azat etilmesine irişmege çağıra.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
