1976 senesi doğğan qırımlı "Çat ruletka" telegram kanalında Putin ve Aksönovnı aqaretlegeni iddia etile. Rusiye politsiyası fevralniñ 3-nde bunı bilip, oña qarşı memuriy dava açqan.
Neticede Rusiye makemesi, aqaynıñ aytqanları "insan itibarı ve cemiyet ahlâqını aqaretley" ve aqay "devletke sayğısızlıq kösterdi" degen hulâsa çıqardı. Neticede Bağçasaraylını 50 biñ rublege cezaladılar..
Tam mıqyaslı istilâ başlağan soñ Rusiye Federatsiyasında ve onıñ tarafından işğal etilgen topraqlarda Rusiye ordusınıñ "diskreditatsiyası" aqqında Memuriy cinayetler kodeksiniñ 20.3.3 maddesi kirsetildi. İnsanlar Rusiye-Ukrayina cenki aqqında malümat tarqatqanları ve Kremlniñ noqta-i nazarına zıt kelgen er angi fikir bildirgenleri içün taqip etile.
Ukrayina prezidentiniñ Qırım Muhtar Cumhuriyetindeki temsilciliginiñ malümatına köre, 2024 senesi dekabr ayınıñ soñuna qadar Qırımda Rusiye ordusınıñ "diskreditatsiyası" maddesine istinaden 1126 memuriy dava açılğan.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
