Rostov-na-Donu şeeriniñ Cenübiy okrugınıñ arbiy makemesi Ukrayinanıñ Zaporojjâ vilâyetiniñ sakini Stanislav Rudenkonı "terrorizmge yardım etüv" davası boyunca 10 yılğa üküm etti. İlk üç yılnı apiste keçirecek, qalğanını sert rejimli koloniyada keçirecek, dep bildire makemeniñ matbuat hızmeti. "Nastoyaşçeye Vremâ" haber etkenine köre, cinaiy taqipniñ sebebi onıñ "Azov" ukrayin polkına para yollaması olğan.
Taqiqatnıñ versiyasına köre, Rudenko, "Azov" polkunıñ "mefküresine qoltutuıp", teşkilâtnıñ iştirakçilerine olarnıñ faaliyetini maliye etüv yolunen yardım etmege qarar bergen.
Prokuraturada qayd eteler ki, maküm etilgen kişi polkqa 5 biñ ğrıvnâ (120 dollar) yolladı.
"Azov" polku 2022 senesiniñ baarinde Mariupoldeki "Azovstal" zavodında aman-aman eki ay devamında mudafaa tuta edi. Quralayında "Azovstal"niñ qorçalayıcıları (eki biñden ziyade insan) esirlikke teslim oldı.
Polk 2014 senesi göñülli bir teşkilât olaraq meydanğa ketirildi. Şimdi "Azov" Ukrayina Silâlı quvetleriniñ terkibine kirmekte.
2022 senesi avgust ayında Rusiye Yuqarı mahkemesi "Azov" polkunı terroristik teşkilât olaraq tanıdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
